同你吟一吟
天王嫂熊黛林家有北京狗Cookie，已經四歲，兩母女經常行孖咇，就算男友郭富城生日，Cookie都係座上客，出入城府，更加經常！
早兩個月，阿Lynn再為熊家增添成員，養多隻北京狗，等佢就算要長時間外出開工，Cookie都有個伴。新狗B又係女，同家姐一樣，C字輩，叫Cocoa，而家四個幾月大。星期一（十二月十二日），《壹》仔喺天後撞到城嫂三母女出巡，佢話趁天氣暖番少少，帶兩個女去洗白白。嚟緊聖誕新年城城要長駐紅館，熊黛林相信亦唔去得邊。即係咁，與其兩狗一人一屋都係女！城嫂不如考慮生番個人仔養吓，最好係生仔，免得陰盛陽衰呀！ ####
城城近期日日忙為演唱會排舞，好在Lynn多咗隻新寵為伴。
講起新寵Cocoa，阿Lynn捉住手手同《壹》仔say hello，十分雀躍，家姐Cookie風頭大減，索性擰轉面睇風景。
今年十月，阿Lynn生日，同兩個女一齊影全家福。
Cookie（左）多咗個妹Cocoa，媽咪不時update新相上微博。
為男友慶祝生日，阿Lynn都拖埋Cookie一齊去，從今以後，要一拖二。
1136期
