同你吟一吟
馬清偉、薛芷倫離婚十年，男方有個一齊八年嘅女友Winnie，但同前妻照樣保持良好關係。上星期二（十二月二十日）晚七點，銅鑼灣時代廣場有唱聖詩表演，薛芷倫細仔Terence都有份，負責彈keyboard。馬清偉、薛芷倫、喺美國讀書，放假返香港嘅大仔Justin，已經廿一歲嘅大女Tess齊齊撐場。
夜晚又凍又大風，冇櫈坐要企街兼人逼人，不過，薛芷倫一樣無介意，又叫又笑，仲攞住手機影低細仔演出情況。離婚唔係世界末日，夫妻緣份盡，但馬清偉同薛芷倫對兩子一女嘅父母責任做足，實在難得。
14/12
馬清偉同拍拖八年嘅Winnie感情穩定，同薛芷倫三個仔女亦相處融洽。 ####
同一對仔女一齊睇show嘅薛芷倫攞住iPhone拍低細仔演出片段，十分開心。
細仔露天表演，馬清偉、薛芷倫唔怕人逼企街照撐。
當晚負責彈keyboard嘅Terence，出年就會去英國讀書。
同前妻關係良好嘅馬清偉亦在場。
1138期
