同你吟一吟
上個禮拜五晚（十月二十一日），丁子高做搞手為時裝品牌响中環舉行活動，老公揸旗，楊千嬅俾足面，以黑色露背裝現身，腳踏八吋高踭鞋，同老公嘅黑西裝，襯到絕出場。怕老婆八吋高踭鞋難carry，丁子高親自接千嬅入會場，不過丁太早已習慣向高度挑戰，沿途急步如飛，根本唔使人扶，見到記者，仲乘機開口教訓丁子高，怪佢先排對住記者亂爆房事：「佢同人講啲咁嘅嘢，黐線㗎！啲朋友打嚟問我發生咩事，寫到好似風月版咁！」身旁嘅丁子高唔知點駁嘴，就賴在場一名記者：「上次好似係你講先！」算吧啦！怕老婆，有發達，硬食啦！
####
丁子高親自候駕接老婆，腳踏八吋高踭鞋嘅千嬅，不知行得幾穩陣，急步都唔係問題！
千嬅雙腳僭建，仲打開大背脊，任睇！
1129期
