同你吟一吟
徐克新作《龍門飛甲》以二千二百萬人仔開畫，比同日上映，國寶級張藝謀執導嘅《金陵十三釵》收多五百萬，打響頭炮，一班演員上星期四（十五日）拉隊過澳門做宣傳，由老闆到演員齊曬腳。
外傳男主角李連傑片酬接近一億（一千二百萬美元），活動當日，傑仔變身太極高手，仲叫大家唔好信傳媒！八珍問過二五，其實李連傑片酬基本價一千萬美金起跳，之所以《龍門飛甲》開到千二萬美金，原來傑仔係唔想接，所以專登抬高個價，諗住徐克同投資者會縮沙。點知你敢開，又有人肯俾。點解片量唔多嘅李連傑可以買大屋，甚至買大笪地，自己起大大間屋，因為佢唔只識打，仲曉用腦囉！ ####
冇一億，壹基金就有！（設計對白）記者追住問李連傑收一億片酬，當事人大耍太極，仲有現場工作人員攞住張紙提夠鐘收口。
徐克新作演員全部名牌，除咗傑仔，女主角有內地天後周迅同台灣氣質美女桂綸鎂（右）。
周迅拖住老闆於冬出席首映禮，好識做！
1137期
