同你吟一吟
F奶乳牛張馨予潛入吳卓羲微博，曬床照又呻攰，令人想入非非，亦進一步將唱K嫂身份高調化。
女友打亂章，唱K星期一（十二日）出席無綫新劇《名媛望族》開鏡拜神，三番四次叫記者放過佢。「俾啲空間我啦！」床照事件發生後，唱K避得就避。在場有記者一句窒埋去：「俾啲空間你追過第二個？」搞到佢投曬降。二五同八珍講，張馨予個好姊妹叫潘霜霜，而吳卓羲就同林峯係好兄弟，物以類聚，張馨予手上，都應該揸咗唔少「證據」，所以，即使一而再中伏，唱K都唔敢輕舉妄動囉。哦……明曬！
外傳張馨予為咗教訓唱K掛住陪阿佘唔陪佢，所以先發生床照事件。不過，二五就話導火線其實係徐子珊，成為乳牛、唱K夾心餅，徐子珊堅稱自己冇同唱K出去玩。 ####
俾記者圍住追問張馨予曬床照侵佔微博舉動，吳卓羲唔敢鬧又冇解釋，左閃右避。
1136期
