媽咪姐手帳
自古美人如名將，未許人間見白頭。係咪覺得媽咪姐好感性呢？因為連昔日嘅「國民偶像」小向美奈子都變成AV女優，有乜辦法唔感慨呀。
小向話曬係偶像出身，本來前途大好，好衰唔衰竟然吸毒，09年因為吸食安非他命被判刑1年半，緩刑3年。喂，整煲咁傑嘅嘢，莫講話藝能界，連寫真界都無立足之地啦。咁點呢？要食飯喎，轉行跳脫衣舞、拍三級片，都唔掂，最後淪落到拍AV。「新片」喺9號出街啦！點知一出，即俾人插到飛起。佢俾人大彈成件扒咁，睇完一啲慾望都冇喎。 ####
擁有38H cup被稱「日本波神」嘅小向美奈子，因為唔自愛，竟然吸毒，仲要衰完一次又一次。為博翻身，寫真、脫衣舞，乜都做勻，依家更淪落到拍AV。真係一子錯，滿盤皆落索囉。
小向自言呢部AV拍得好有藝術感。可惜啲人大彈佢肥到肉鬆咪咪泵，又肥又膩兼套片冇料到，悶到發瘟喎。夠曬刻薄。
小向美奈子15歲殺入水着界，當年嘅小向樣子標青，仲有對電眼，加上一對重量級咪咪，唔少男生當佢係「女神」，傳媒更封佢為「國民偶像」㖭。
855期
