2011年12月15日 星期四

[壹週刊.直接睇]Alice B換馬 收埋玩




低調處理

繼警鐘胸Jessica C.同葛民輝拍廣告跑出,去年跟阿葛大跳辣身舞的新一代Canon女、21歲英泰混血Alice B,憑住左胸惹火紋身標記,火速成為宅男心目中「性感女神」。

入行難免被人「翻舊賬」,Alice B在英國啜仔、吸毒、扯煙樣樣中,生活豪放,身邊男伴同樣轉不停,與王友良傳緋聞,又被拍得與外籍男友在街頭喪嘴。日前,本刊發現她與有米男友Josepe拍拖行超市,買餸返歸玩「煮飯仔」。

Benz接送

當日Alice B收工離開中環擺花街一幢商業大廈,男友Josepe校啱時間,揸住Benz在門口等。據了解,家住麥當勞道的Josepe熱愛玩band music,當晚二人正相約一班band友開party。

Alice B跳上車後,二人先到屋企附近的超級市場,為晚上的party買定嘢做準備,在男友面前,Alice B十足小女人,每買一樣嘢都先問對方意見,二人最終掃了一大堆牛扒、菜、調味料等兩大袋離開,返歸「煮飯仔」。

修心養性

自認是反叛少女的Alice B,自爆十歲開始食煙,十四歲吸毒,生活完全無掣!但自從認識Josepe後,身邊朋友指Alice B明知對方家底不俗,為保男友名聲,已收斂不少。「Josepe屋企人都係專業人士,Alice唔想影響到對方家人,所以佢開始修心養性,少蒲咗好多唔想俾人影到,有時間留番陪男友。」

飛起前度

提到新戀情,Alice B煞有介事強調與前度外籍男友已分手。「我同之前個男友分咗手冇耐,我覺得佢唔好,係bad boy;Josepe係我好好嘅朋友,未係boy friend,而家我哋算係date緊。嗰日我哋有朋友生日,開party,玩得好開心!同Josepe做得朋友,我當然對佢有好感,都有機會發展。」敢做敢認,統一鬼妹性格。

蝴蝶胸

今年21歲的Alice B是英泰混血兒,身高182cm,雖然上圍得32B唔算突出,但勝在個樣夠甜;精通法、意、德、泰、日、英語六國語言,16歲被星探發掘入行,在泰國當模特兒。09年來港發展,簽約Model Management Ltd.,去年接拍Canon廣告,曾經學過五年芭蕾舞和兩年現代舞的她,跟葛民輝跳貼身舞,大騷左胸前的「蝴蝶」紋身,即被喻為「蝴蝶胸」,獲宅男捧為「新一代性感女神」。廣告一出,Alice B的工作接踵而來,一口氣接下杜蕾絲0距離安全套、滙豐銀行流動理財、Lactacyd及Colorful內衣等多個廣告。 ####



同鬼佬男友分手唔夠一個月,Alice B火速換畫,搭上有米男友Josepe。



上圍唔算逼爆,但Alice B胸前的蝴蝶紋身夠搶眼,是她16歲紀念品。



家住麥當勞道寶樺臺3,000萬豪宅的Josepe駕着價值54萬的Benz接Alice B收工。



二人在寓所附近的超市拍拖買餸,準備晚上同朋友開party。





Alice B指前度男友以往經常被拍得夜蒲,街頭喪嘴,但分手之後,前度已變成「Bad Boy」。



入行冇耐,Alice B即被揭愛劈酒、扯煙、攬仔,非常豪放。



(圖片)




1136期



搜尋此網誌