一向自稱單身嘅鄭嘉穎，雖然經歷過多段感情，但戀情通常都見光即死，因為鄭生要保持「不近女色，專心工作」的形象。但近年桃花旺盛的他，繼跟前女友佘詩曼傳出復合後，上周三（十四日）晚佢出席《職業特工隊4》首映，竟跟另一前國產女友徐靖雯撞頭。
當晚完全唔知舊情人出現嘅鄭嘉穎，雖然都有同女方合照，但就表現避忌，兩個眼神各異，影完即撇。即使鄭嘉穎死撐話有影相和打招呼，但據知鄭生事後發爛渣，聲言被整蠱。另外，鄭生更堅持與阿佘只是朋友，絕無復合機會。睇佢個性，相信佢同啲舊女友，都係再見不是朋友居多。
鄭嘉穎和前女友徐靖雯再度碰面，二人刻意避開眼神，明顯尷尬。
影完合照，佢即低頭迴避速逃。
