同你吟一吟
經過陳浩民馬德鐘嘅鹹豬手洗禮，陳嘉桓玉女招牌散曬，但士別三日，騷價反而三級跳。
二五同八珍講，以前陳嘉桓接騷，面價叫三萬，埋單收兩萬都照做，密食當三番，其實都幾好搵，但今時今日成為非禮受害女星，經理人公司即刻幫佢重新整理價目表，一開聲已經叫六萬，舊客戶尚可有折扣商量，新合作單位，一律不二價，肯減三兩千，算係好俾面。
上個禮拜二（六日），陳嘉桓孖住鍾嘉欣一齊做鞋騷，同樣係林峯緋聞清單女主角，陳嘉桓以全新災難價加「劫」後首個公開活動接job，無論價碼抑或風頭，全部贏曬無綫小花鍾嘉欣囉！ ####
成日俾人話似樣，陳嘉桓孖住鍾嘉欣一齊行騷，一個係非禮受害女星，另一個剛失落「我最喜愛的電視女角色」，夠綽頭！
Fans舉牌撐偶像，阿媽兼經理人嘅Ronnie就繼續幫個女護航，一出現高難度或尷尬問題，即時插嘴代答！
1136期
