細搬大
今年四月，徐淑敏的老爺黃文霖病逝，唔想老公Kenny（黃浩）對住西貢舊居觸景傷情，生完細女Renee後，Suki積極與老公四出睇樓，另覓新居。最終睇中大埔比華利山別墅、有私人泳池的4,300呎排屋。早前Suki一家正式撤離西貢，進駐新居，忙住趕拍飲食節目《甜姐兒》的Suki全日冇影，由安排工人搬運、安裝，到湊女重任，老公Kenny一腳踢。
一眼關七
產後極速復工的徐淑敏，早前舉家搬離西貢松濤苑，進駐大埔比華利山別墅4,300呎排屋。擇好吉日吉時，搬運工人動手將床褥、傢俬等搬上車，由於Suki當日大清早通告，Kenny走上走落督工之外，還要兼顧湊女，一眼關七。上齊傢俬雜物後，Kenny抱住大女心瑤走到門外，確認工人沒有任何遺漏，便與家人外傭一行七、八人上車，出發前往新居。搬屋安裝一次過，搬運工人將一箱二箱、傢俬雜物搬入屋，Kenny則與事前約好的師傅，商討更換門鎖、安裝電話等事宜。晚上八時，Suki收工返家，新居一切大致上安置妥當。「我自己本身唔係好多嘢，好快就執好，反而老公、奶奶比較多，但我唔係好敢亂搞奶奶啲嘢，所以搬屋嘅事，交曬俾老公搞。」Suki事後說。
睇定再買
細屋搬大屋，兩個女兒有更多活動空間，但Suki說女兒活動空間是其次，主要是想老公Kenny走出喪父傷痛。「我知道Kenny仲好掛住爸爸，但我覺得呢個想法，應該放喺心度，我唔想老公對住間屋觸景傷情，所以強烈建議轉換環境，之前老公睇過清水灣一帶，不過就嫌裝修舊，上水就偏遠，而呢間新屋，我都落咗好多嘴頭，先講掂老公同奶奶。」Suki說。
私隱度不足
位於大埔三門仔半島的比華利山別墅，是區內最大型的別墅屋苑，屋苑分三期，共535戶，每幢別墅高五層，設有天台及花園，面積約2,600至11,000平方呎，平均呎價約9,000元，雖然屋苑密度高，但仍有不少明星客入住。謝安琪09年，謝安琪、張繼聰兩公婆連老爺奶奶一家九口，由月租3,500元的大埔村屋，搬到月租二萬八的比華利山，單位2,600呎，連700呎花園。舒淇今年8月，有指舒淇以發展商優惠價1,830萬入市，購入比華利山翠華道2,600呎獨立屋。雷頌德09年初，雷頌德以2,300萬買入比華利山湖景道單號屋，面積4,046平方呎。 ####
西貢搬大埔，Kenny全程一腳踢，Suki收工返到屋企，可以輕輕鬆鬆同兩個寶貝女家庭樂。
早上9時，Suki老公抱住囡囡監督工人搬屋。
Suki忙住拍《甜姐兒》，湊女重任就交由徐父代勞。
Suki忙住做主持，又要頻頻出席公開活動搵私己錢，好在老公Kenny湊女有板有眼。
粗重功夫老公搞掂，搬櫈移位、時鐘擺設放响邊等小事，就由Suki親手處理。
Suki新居有獨立泳池，大廳面積接近千呎，絕對足夠兩個寶貝女走動。
1137期
