復工崔建邦睇唔實 TB觀音兵拗攣唐詩詠
另類兵仔
復工崔建邦睇唔實 TB觀音兵拗攣唐詩詠
2012年01月18日唐詩詠對崔建邦不離不棄，最近崔建邦做番大騷司儀，都話要感謝唐詩詠。
不過崔建邦復工太忙冇時間陪女友，造就了前港台 DJ拿拿淋（李慧娜）同唐詩詠愈行愈埋。一向外形似男人的拿拿淋，曾多次被影到黐實唐詩詠，據知但凡崔建邦偷食、失勢甚至太忙冇時間，拿拿淋都會乘機密會唐詩詠。
月初本刊再發現拿拿淋做觀音兵，陪實唐詩詠到中環購物， TB女想拗攣唐詩詠，大騷邦幾忙都實穩陣喎！
前港台 DJ拿拿淋
拿拿淋（左） 06年涉嫌呃港台撰稿費被廉政公署拘捕而離職，最後被裁定無罪；她於崔建邦任職港台時認識唐詩詠，現時轉行開班教人溝通技巧。早前拿拿淋更約埋唐詩詠 shopping，全程傍到實。
崔建邦 09年因涉打模女友鄺敏慧（中巴），其後再發生醉駕事件，終被無綫調職轉做 PA（助導），本月獲解凍復工，主持《十大勁歌金曲頒獎禮》，又擔任《中華小姐》司儀。雖然他自稱仍然做緊 PA工作，但明眼人都睇得出全面復出幕前是遲早事。
斬唔甩
崔建邦涉打女友事件後翻撻唐詩詠， 2人多次被影到約會，去年 6月崔建邦更陪唐詩詠到西環睇醫生。圖片
去年 5月，唐詩詠已被影到跟拿拿淋去跑馬地食完魚蛋粉，之後又護送她去銅鑼灣做 facial。
買化妝品
本月 7日，崔建邦正忙於為《勁歌金曲頒獎禮》綵排，唐詩詠卻相約「 TB」拿拿淋去中環 ifc shopping，首先陪唐詩詠買化妝品。
陪試鞋
買完化妝品，唐詩詠又去 Steve Madden試鞋，拿拿淋全程陪坐，到女神試完買完至一齊走。
勁關注
除咗陪行街，拿拿淋係微博內亦勁讚唐詩詠靚相，討好佳人超勤力。
乘虛而入
不過事業得意，情場就有暗湧。在本月 8日《勁歌》頒獎禮前一日，崔建邦忙住綵排，前港台 DJ拿拿淋（李慧娜）就趁空檔相約唐詩詠在中環下午茶，再陪唐詩詠買化妝品及高跟鞋，拿拿淋全程跟到實，似男友多過好姊妹。以為得米
拿拿淋自以為有機可乘，只因崔建邦為保飯碗，多次人前開口自稱單身：「我家係單身，唔會考慮感情事。」但據知崔建邦跟唐詩詠感情仍十分穩定，知情人士說：「唐詩詠一直都好鍾意崔建邦，就算崔建邦衰咁多鑊，唐詩詠都原諒佢，不過唐詩詠唔想再畀太大壓力男友，所以兩個咪成日扮分手囉！咁拿拿淋其實喺港台已經識崔建邦，唐詩詠都係佢介紹識嘅，唐詩詠一得閒，拿拿淋一定隨傳隨到，佢以為自己有機會，其實觀音兵咋！」上週一（ 9日），本刊致電拿拿淋問她跟唐詩詠關係時，拿拿淋語氣極差：「我唔喺香港，你唔好嘥我長途電話費啦！」上週五（ 13日）記者截稿前再致電拿拿淋，她亦再冇接聽。
明知冇可能，回頭是岸啦！
低調情侶有運行
唐詩詠去年憑《真相》及《紫禁驚雷》兩劇而令人刮目相看，注定今年被無 綫力捧， 嚟緊有拍住視帝黎耀祥 嘅《造王者》同《大太監》，仲有《飛虎》及《拳王》等住上。同崔建邦拍住密密做，之前傳結婚睇怕要 hold住先。
以往密密實實 嘅唐詩詠，早前在台慶夜穿 著一件 deep V裙穀到盡，搶曬鏡。
剛拍完《造王者》，女角得田蕊妮同唐詩詠，講戲分更加係一線女主角。《蘋果日報》圖片
四劇等出
未出街：《飛虎》（第二女主角）《拳王》（第二女主角）
《造王者》（女主角）
拍攝中：《大太監》（第二女主角）
再做大騷
崔建邦 09年因涉打女友鄺敏慧及醉酒駕駛形象太負面，終與無 綫解約，去年 6月自薦返回無 綫擔任 PA（助導）工作，因得到陳志雲關照月薪達 1萬 3千元成為星級 PA王。上年底再得陳志雲相助，崔建邦鹹魚翻生有望重返幕前，繼本月《勁歌金曲頒獎禮》重操司儀一職外，本週日的《中華小姐選舉》亦預埋佢一份，全面復出司儀工作。
崔建邦首次復出司儀工作，在《勁歌金曲頒獎禮》表現麻麻，但講到明想翻身：「我都想繼續司儀同製作工作，現時仲做緊助導。」使乜擔心，好快脫苦海啦。
轉做 PA只不過半年，崔建邦就翻身做番司儀，背後有人撐係唔同 啲。
專吼女星
06年曾涉嫌貪汙被捕的前港台 DJ拿拿淋，一直喜歡以中性打扮，除了唐詩詠外，拿拿淋亦曾與數位女藝人過從甚密，專攻女性做密友。接送官恩娜
《忽然 1周》圖片
拿拿淋經常充當司機接送官恩娜外，亦曾被雜誌拍下兩人深夜喺跑馬地食宵夜及揼骨，而鬧出斷背緋聞。
密友陳自瑤
《忽然 1周》圖片
已為人妻的 YoYo曾經亦被傳是女同性戀者，而早年 YoYo喺港台做 DJ時，與當時任職港台 DJ的拿拿淋最 friend，而傳兩人是「好朋友」關係。
陪食鄧麗欣
《忽然 1周》圖片
09年曾被拍下跟穿著吊帶低胸衫的鄧麗欣喺時代廣場「金牛苑」打邊爐，食足 3粒幾鐘。
