被批最好命花旦 胡杏兒賺夠嫁黃宗澤

2011年絕對是胡杏兒名利雙收的一年，入行12年的她終於憑《萬凰之王》開齋封視後，一洗「胡囧囧」汙名。有獎自然有利，香港市場唔在講，更火速成為內地紅人，北上剪綵剪到手軟，最近接拍的內地劇《金玉滿堂》更收18萬人民幣一集，一開年已穩袋540萬，想唔過一個肥龍年都幾難。事業得意，愛情亦美滿，與黃宗澤（Bosco）的七年地下情終於浮面，難得觀眾非常受落，胡杏兒也唔怕醜講到明非君不嫁，但就話冇咁快拉埋天窗。不過玄學家程仲蕎狠批杏兒是無綫花旦中最好命，且預測她與Bosco很大機會於龍年搞出人命，奉子成婚。