何韻詩旺角激吻黃宗澤

何韻詩在賀歲片《2012我愛HK喜上加囍》中，與黃宗澤（Bosco）飾演情侶，二人更有一場在大街大巷的激吻戲！阿詩直言，當時兩人錫得非常肉緊，但就未有深入感受，所以不知Bosco是否脷短。

阿詩表示，跟Bosco已經認識多年，但要在人多又擠逼的街上拍激吻戲，坦言覺得非常尷尬，阿詩笑說：「我們要在旺角西洋菜街的脈搏拍攝，嗰度平時都已經好多人，星期日就更加多，所以引來好多人圍觀，當我哋一錫，旁邊就有好多人歡呼，個日仲要我做主動，真係未試過肉緊到好似墨魚咁錫落去！」

裸戲免問

在圍觀人潮的壓力下，阿詩笑謂一直不希望NG，幸好真的拍了兩次，導演就收貨，令她放下心頭大石。而對手Bosco曾被女友胡杏兒指脷短，阿詩又有否感覺到？「我哋都未發展到伸脷的地步！所以唔知Bosco條脷短唔短，呢啲應該留番畀視後（杏兒）品嘗。」

阿詩說今次拍「純喜劇」電影，認為演繹一樣需要天分，所以自認性格搞笑的她，今次拍起來，很快便上手，「咪睇我平時好Cool咁，其實我個人好搞笑，所以今次真係拍得好開心。」阿詩近年又拍戲又演舞台劇，她直言未來想多些機會拍電影，問她是否在樂壇成績平平，才萌生此念頭？她認為自己在樂壇的成績不錯，跟自己定下的目標差不多，雖然自己喜歡拍戲，但也要有人找她拍才行，至於她有甚麼戲一定不接？阿詩揚言為了廣大市民著想，裸露戲一定不會接拍。