[東周刊.直接睇]大肚楊千嬅萬千呵護

剛響元旦在微博自爆有孕嘅楊千嬅，事後一直未有現身，專心安胎。但為咗賺奶粉錢，上周四（十二日）佢終於出山，仲同吳彥祖（Daniel）過澳門出席威尼斯人酒店嘅新年活動。

懷孕四個月、首度現身公開場合嘅佢，見佢都肚凸凸，但卻貪靚著上四吋高船踭鞋出現，搞到在場人士不知幾緊張，見佢去邊都睇到實。佢坐船進場，Daniel好小心扶實佢落船和行樓梯。除Daniel緊張外，工作人員同在場記者都錫住佢，在做訪問時，記者們主動要求佢坐低，怕大肚企得耐辛苦，其助手亦醒目為佢披上披肩同換上平底鞋。睇嚟千嬅有喜，除老公丁子高錫到佢燶外，大家都錫曬佢！

懷胎四個月嘅千嬅，不時摸住肚皮，大曬幸福。

千嬅上落台期間，大會高層和工作人員也爭相扶實佢。

Daniel（右）雖然也是嘉賓之一，但當日則做埋bodyguard，睇實千嬅出出入入。

大肚婆凍親就唔好，助手醒目即時為佢披上披肩。

台上祝酒無得飲香檳，千嬅為BB著想只飲清水。

千嬅指老公不滿佢著高踭鞋，故活動後即換鞋。

著番平底鞋嘅千嬅，即時輕鬆曬。