農曆新年將至，小朋友最高興莫過於逗利是過肥年，不過，究竟如何處理利是錢呢？花旗集團早前便推出第四輯「Agent Penny」理財漫畫系列——《Agent Penny與Will Power之最後勝利》，向小學生灌輸正確的理財訊息及提倡自小建立良好理財習慣的重要性。
席上還請來林曉峰與康子妮做嘉賓。本刊乘機向這對育有兩名兒子的娛樂圈模範夫婦，請教如何教導小朋友理財的心得，以作參考。
設立個人目標
育有分別八歲及七歲兒子的林曉峰及康子妮，向來育兒有法，提及教導兒子理財之道，也別具一格，康子妮說：「我教佢哋要付出先會有回報，仲要有目標！以前細啲會用儲印仔嘅方法，即係如果佢哋自動去溫習、做功課或者練琴，我就會蓋一個印仔畀佢哋，儲齊五十個就可以換到一份禮物。希望佢哋可以明白要付出先至有回報，做人要有目標啦！」
康子妮更表示，向小朋友灌輸價值觀，應在他們小學階段、開始學習貨幣等知識的時候，「因為太細個同佢哋講，佢哋根本都唔會明白。」
為了讓兒子明白「肯付出才有回報」的道理，康子妮向兒子實施「主動溫習獎印仔」及「做家務有薄酬」的方法。
做家務學儲蓄
康子妮的長子林寶今年八歲，就讀小學三年級，開始需要零用錢上學，也是時候向他灌輸儲蓄的重要性，因此，康子妮先教長子要有積蓄，然後才可用自己儲來的錢買喜歡的東西。康子妮續說：「細仔林熙今年七歲，未有零用錢，但同哥哥一樣，依家喺屋企自動自覺做一樣家務，譬如吸塵、洗碗，我都會畀一蚊佢哋作為報酬，佢哋儲起之後，可以買自己想買嘅嘢。咁當然，買之前我都會同佢哋分析嚇，呢樣嘢係咪好需要買呢？不過，佢哋會發現原來自己鍾意嘅嘢係超貴嘅，儲得嗰二十蚊，根本有排都未買到嘅，咁樣變相可以令佢哋知道現實個價值係點樣，然後更加努力去為目標而儲錢！」
林曉峰與康子妮育有分別八歲及七歲的兒子，而教導兒子理財的重任，就由媽媽負責。
不盲目追潮流
儲蓄習慣的確需要從小培養，康子妮認為，大前提是讓兒子明白「應使得使」的道理，不要盲目追潮流，最重要視乎有否實際上需要，「儲印仔嘅方法，令佢哋好細個就明白『要努力先可以得到想要嘅嘢』嘅道理，對將來做人處事都有幫助呀！」
