劉德華一索得子 晨早8點陪朱麗倩照4D

晨早8點陪照4D 劉德華一索得子

2012-01-12 18:47:00

據《忽然一週》報道，上周劉德華晨早8點便陪45歲老婆朱麗倩到中環產檢，BB未滿20周便要求醫生偷步照4D結構性超波。雖然BB不太合作，有部份器官未睇得清楚，不過醫生確定，劉華一索得男！據知劉華知道老婆陀慈姑椗，即時笑到卡卡聲。

劉華一向避諱談及結婚生仔等話題，卻於去年11月在網上自爆「吾家有喜」，本月初他再爆老婆有咗4個多月。上周他曾陪朱麗倩做產檢，有知情人士透露，他為避傳媒耳目，要診所晨早8點就專程為他們先開門，還要清場。由於2人努力數年，做過幾次人工受孕都失敗，這塊腹中肉得來不易，故產檢時可見劉華對老婆百般呵護。他還透過好友吳君如介紹，請婦科聖手何永超醫生幫朱麗倩做產檢兼接生，又每次產檢都盡量抽時間同行，再額外聘請多1名保鑣及2私家看護輪流照顧她。

朱麗倩還有奶奶日日叫人煲湯水補身，老爺更已買定不少BB衫仔和玩具，兩老為孫兒的降臨興奮不已。據知劉華因見父母熱切期待孫仔出世，打消原來陪老婆返大馬產子的計劃，改而留港生B。

早前劉華到杭州拍電影《富春山居圖》，最近會為杜琪峰的《盲探》埋尾，3月為《桃姐》進行宣傳，完成這3項作後便會全面停工。為專心陪老婆分娩，劉華還已推掉所有片約，最少賺少1億元。加上唱片及巡迴演唱會等全部叫停，估計明年6月才會復工。

忽然1周 第859期：劉華晨早8點陪照4D 朱麗倩懷慈姑椗