[東週刊][東姑818]鄧萃雯淚灑教會

近年主力返內地拍劇嘅鄧萃雯，就快重返無綫拍《金枝慾孽Ⅱ》，東姑都好期待。未開工之前，雯女一有時間就返教會同教友分享佢嘅人生苦與樂。

早前，佢去咗個布道會做分享，響主面前當然坦蕩蕩，佢仲將軟弱嘅一面展示人前，講到感情直認係失敗者，因太渴望拍拖、渴望有人關心，而曾經介入做「小三」。事後自己都好後悔，佢講講嚇仲忍唔住喊，相信佢係真心認錯。

同教友分享完嘅雯女，心情大靚，自己都話「好感動！」

講到家人，雯女自爆來自單親家庭，故從小渴望被愛，一時感觸落淚。

直至尾聲，雯女同教友合唱，才平復情緒。