劉德華公布「小龍女」6月出世

一直恨做老竇的劉德華，為了可以合法地進行人工授孕，又不用擔心會影響天王事業，於08年跟地下情女友朱麗倩在拉斯維加斯秘婚，豈料，翌年被踢爆瞞婚，令全球Fans傷透心，最後要在網誌公開謝罪。

經過3年努力，去年底45歲的「華嫂」朱麗倩終於成功授孕，令50歲準高齡爸爸華仔興奮若狂，不過，為免重蹈當年欺騙Fans的覆轍，去年11月華仔率先在官網向Fans公告「吾家有喜」，至本月初出席活動時，再親口向傳媒承認老婆懷孕。

直至昨日大年初二，華仔在「華仔天地」Fan Club跟逾千名Fans團拜時公布：「BB應該係女，呢個秘密只係同你哋講。」全場Fans尖叫起哄，紛紛恭喜偶像。據悉，「小龍女」將於6月出世，今次華仔未能一索得男，繼後香燈仍需努力！