日瞓4粒鐘 捱到失聲 鍾嘉欣：我出名唔放假

早熟快殘

日瞓 4粒鐘　捱到失聲　鍾嘉欣：我出名唔放假

2012年01月18日
神劇《天與地》播完，緊接有似足《蝸居》 嘅《缺宅男女》出籠，雖然《缺》劇無平衡時空，題材又無隱喻，但勝在講中香港人買樓心聲，網友一樣 noise勁。

劇中女主角鍾嘉欣為買樓，搞到要同上司謝天華上床。現實有兩層樓揸手的女神原來一樣辛苦，為拍新劇《護花危情》踩到傻，日日瞓得 4個鐘，就算連感冒失聲都無請假頂硬上。女神都要捱，香港地供樓真係唔簡單！


鍾嘉欣病到連把聲都沙曬，講唔到對白仍然頂硬上，好彩 嗰日尾場係拍車戲，比較輕鬆，但女神已經疲態畢現。
《缺宅男女》上週首播，雖然被指抄大陸劇《蝸居》，不過講中香港人買樓苦況，師奶點會唔受。收視平均 27點，高過神劇《天與地》多多聲。劇中個個為買樓幾慘都有，女神鍾嘉欣更為買樓搞到要背住男友吳卓羲，同上司謝天華上床。

月供五萬

唔過電

鍾嘉欣有伍允龍、黃宗澤有胡杏兒，各有所屬，二人拍劇就算黐到幾埋都唔怕啦。
最近買入多一層將軍澳新都城千呎單位和父母同住的鍾嘉欣，榮升兩層樓業主，兩層樓月供 4至 5萬，一樣要為供樓捱，雖然唔使「瞓身」，但為供樓鍾嘉欣亦一樣唔敢停，拍完監製梅小青 嘅《當旺爸爸》緊接為監製劉家豪拍《護花危情》。女神冇得唞終於捱病，上月女神先捱到濕疹上面，大病初癒，估唔到前週又被感冒突襲。

據知女神大半年幾乎日日開工，每日瞓得 4個鐘，加上天氣持續寒冷，上週日（ 8日）嘉欣到烏溪沙拍外景，其間咳聲頻頻，加上鍾嘉欣本身雞仔聲，基本上聽唔到佢講對白，只係見佢口鬱鬱。問到嘉欣點解唔放假，佢話：「我就好番㗎喇！今日我拍到，但係把聲真係唔得，但呢 啲可以配音，我出名唔放假 嘅，我返到工實返。（會唔會買多層樓呀?）嘩！我邊有錢呀，我都係打工仔咋！」 27歲女有兩層樓揸手，你絕對唔「缺宅」啦！

現實兩層樓

劇中鍾嘉欣做慳妹，一家九口迫喺藍田居屋，仲要同阿媽盧宛茵瞓碌架床，不過現實中嘉欣就舒服好多，最近買了新都城千呎單位，三間房，可以同埋父母一齊住，而舊居就租出去。有層樓搵租客幫手供嚇，冇咁吃力。


嘉欣家住喺新都城千呎單位，雖然同父母一齊住，不過日日拍劇，返屋企食飯都冇時間。


拍劇迫居屋

劇中嘉欣一家九口迫喺藍田居屋，食飯迫喺張大圓枱，睇見都辛苦。

1年拍 5劇

女鐵人鍾嘉欣出名襟捱，單喺去年就拍 咗 5套劇，由上年 1月拍《缺宅男女》拍到 11月嘅《當旺爸爸》，期間仲要出騷、錄歌，基本上全年未停過手。


《缺宅男女》 1月


《九江十二坊》 1至 3月


《荃加福祿壽探案》 2至 5月


《耀舞長安》 5至 8月


《當旺爸爸》 8至 11月


怕近影

嘉欣出名捱得，當日未埋位，佢仲話：「我冇咩事喎，唔好咁近影塊面，話我個鼻甩皮呀！」輪廓咁靚，甩皮都唔驚啦！

當伍允龍係親人

鍾嘉欣為兩層樓捱到病都頂硬上，不過女神亦有男友滋潤，早前有報道指鍾嘉欣同男友伍允龍秘戀 4年，仲有圖為證，不過女神對男友就好口密，只係話：「 嗰次係佢生日，我 嚟講聲生日快樂 啫！但關於朋友，親人，家人 嘅事，我都想 keep secret喇，唔好意思呀！（伍允龍已經係親人咁 close喇?）我唔識答呢個問題。（第時揀老公會唔會想佢有層樓 喺手呢?）有就感覺安全 啲囉！不過你唔好寫我貪慕虛榮呀，我唔係 啲咁 嘅人！」


早前有讀者向《蘋果日報》提供相片，見男友伍允龍攬實鍾嘉欣，不過嘉欣就話：「張相幾年前㗎， 嗰日係佢生日，我去到講聲生日快樂 啫，其他 嘢我唔記得喇！」相當口密。


嘉欣同伍允龍 07年拍《十分•愛》撻著，當年 喺將軍澳拍拖食泰菜，仲被本刊獨家拍得。


攬記者

嘉欣仲攬住本刊記者話：「佢攬住我冇咩 嘢 啫，我嵋家夠攬住你啦，你覺得係咩關係呀？」認真鬼馬

摑 黃智雯大快人心

《缺宅男女》講香港買樓慘況，上週平均收 27點，不過跑出 嘅唔係主角三哥同人妻郭羨妮，而係鵪鶉妹黃智雯，今次喺劇中做巴渣大肚婆，網友個個 like佢夠潑辣，上週第 8集被老公梁烈唯兜巴星，好多網友都話正。


以前高登仔最 like黃智雯戴眼鏡，今次扮八婆無咁索，網友一樣 like。


鍾嘉欣為家人住好 啲，結果搞到同謝天華上床，亦有激吻戲，不過佢就話：「拍劇有幾激呀？都係劇情需要 啫。」