早排，鍾鎮濤（阿B）同前姨仔章小婉喺住宅大堂爭執單官司，搞到佢鬼死咁煩，好彩最後都獲撤銷控罪，佢一出法庭即刻開香檳又去飲茶慶祝，估唔到佢同前妻章小蕙離咗婚十二年，仲可以鬥到依家。
其實單官司嘅起因，有傳係因為章小婉聽到自己姨甥女鍾嘉晴（B女），涉嫌畀阿B現任女友範薑虐打所致。不過，東姑日前去中環恤髮，見到範薑又去搞髮型，佢帶埋自己兩個親生女之餘，亦有同嘉晴一齊，一家人都不知幾融洽，齊齊去扮靚開心到極，完全唔似有問題喎。
早前，範薑帶住兩個親生女同鍾嘉晴去中環整頭髮，身為大家姐嘅鍾嘉晴仲抱實最細嘅妹鍾幗，認真幫到手喎。
