媽咪姐手帳
台片《那些年，我們一起追的女孩》票房大賣，就嚟贏《功夫》，成香港最賣座影片。女主角陳妍希上星期又嚟香港謝票嘞！女神一出，誰與爭鋒。連我哋嘅名模琦琦都話佢有鍾楚紅feel！陳妍希所到之處，當然係萬人空巷，粉絲為更近距離見女神，不惜再買飛入戲院，睇完又睇。不過，只要鍾意，好多嘢都可以做完又再做嘅。
好似陳妍希咁，媽咪姐就發現佢好鬼鍾意戴帽，無論係「落機look」、「夜會俊男look」定「謝票見fans look」，都必定包埋一頂絨面小圓帽！你問會唔會有啲悶？哦，睇吓班粉絲嘅表情就知道，鍾意係大曬嘅！呢一刻，女神戴乜都係靚㗎噃。
綜觀女神近月嘅造型，離不開T恤、恤衫加牛仔褲，當然仲有最愛嘅小圓帽，難怪有人叫佢做慳家女神！
點先可以叫女神？睇相就知，至少要有令老中青三代男人都為之瘋狂嘅本事啦。 ####
16/12謝票
15/11落機
9/12夜會楊祐寧
台灣《蘋果日報》圖片
856期
