媽咪姐手帳
湯告魯斯寶貝女Suri係荷里活出名嘅「公主」，幾歲人仔仍唔願戒奶嘴，但又鍾意扮大人着高踭鞋。最近更有小報指出，Suri嘅聖誕禮物清單總額高達13萬美金，認真大使又浪費。
媽咪姐明白，湯佬夫婦都係愛錫仔女啫。不過over咗，盞變相寵壞。就早前，佢哋一家三口行街街，阿媽姬蒂孭住部大相機、湯佬就拎住愛女嘅手袋、公仔。其間Suri突然停低唔行，兩老即時踎低囡囡，望落似工人多過似父母，媽咪姐睇見心噏。 ####
我要鋪紅地氈先行！（設計對白）阿女，將就吓啦！（設計對白）愛女一停低，湯佬、姬蒂即踎低了解狀況。慶幸Suri冇發爛渣，兩句可以繼續起駕。
嗰啲咩嚟㗎？（設計對白）稟告公主，嗰啲係平民。（設計對白）其實湯佬真係好錫囡囡，一邊行街一邊同囡囡傾偈，只係太過縱容，縱到Suri生骨大頭菜。
856期
