揞名爆
「癲雞」同「雷電」家變，外傳「歪嘴」係罪魅禍首。冰凍三尺，非一日之寒，都唔可以怪曬人嘅。
早兩日，媽咪姐同個二五傾開呢單舊料，二五就爆咗單新料。原來二五當日咁啱同佢哋一班機，佢話見到「癲雞」一入機艙，一見到「歪嘴」，就走埋去「歪嘴」度坐低。二五話「歪嘴」見到「癲雞」亦冇現出「咁啱呀」表情。「癲雞」一坐低，就同「歪嘴」傾到雞啄唔斷。冇耐二五去廁所時，咁啱聽見「癲雞」嗌凍，問空姐攞毯。之後見佢哋老友到一張毯兩份冚㖭。原來佢哋仍然係好朋友。係嘅，都事隔咁多年咯，乜仇恨都消曬啦。 ####
插圖：冼錦堂
856期
