同你吟一吟
上星期四（十二月八日），鄭秀文、陳寶珠孖咇幫香港血癌基金做活動，啱啱喺美加掘完金返嚟嘅Sammi，巡迴跳冇咗六磅肉，fit到漏；至於寶珠姐，雖然大Sammi廿幾年生得佢出，但講到keep，兩位都功夫到家。
兩代阿姐同場，本來已經夠多同胞嘅海港城，再塞多兩班fans，尤其係影迷公主一幫，舉曬紅旗，差在冇打鼓醒獅。之不過，紅旗上面嘅「寶珠之友」，驟眼睇，竟然變咗「寶珠亡友」。咪恰八珍老眼昏花啦，差啲嚇死呀！ ####
瘦咗又靚咗嘅Sammi話冇衝動生細路，唔生龍B，咁做龍年新娘啦。
一見到下個月初就六十五歲嘅寶珠姐，Sammi伸出雙手抱。
現場塞滿Sammi、陳寶珠fans，寶珠姐粉絲舉曬紅旗助威，不過，「之友」寫到變「亡友」，大吉利是。
1136期
