媽咪姐手帳
《神探福爾摩斯》近排好hit，有口皆碑之餘，美國、香港票房成績都唔錯。居功至偉嘅，當然係劇中主角羅拔唐尼。
不過唔知羅拔係咪太過投入角色，早前出席首映時，竟神神化化亂擺甫士， 似足戲中角色。佢仲神探上身，留低蛛絲馬跡等大家去發掘。唔知各位讀者又發唔發現到呢？我媽咪姐眉精眼企，梗係一早發現啦。原來羅拔西褲下滑，露出裏頭嘅底褲邊。底褲有牌子，仲襯曬佢鞋帶，領呔，領巾。呢個神探，絕對有心思。 ####
搵唔搵到我有咩唔妥先？（設計對白）羅拔早前出席《神探福爾摩斯：詭影遊戲》羅馬首映， 灰色老西搭紅色領呔，下身黑波鞋紅鞋帶，襯到絕一絕。
估唔到褲裏仲有乾坤，露出紅色底褲邊，相當香艷。
羅拔風騷，相反拍檔「華生」祖狄羅（左）一身樸素。早前出席宣傳活動佢一面鬍鬚，頂帽又老土，完全零吸引。
《神探福爾摩斯：詭影遊戲》美國甫上畫即登上票房No.1，大收4千萬美金。
856期
