名氣街
今個聖誕只有攝氏10度，又再創新低。毛茸茸的fur終於可以大派用場，快人一步的社交圈亦已經群毛出動。出名愛fur的餘安安亦傾毛而出，示範多個毛毛褸造型。着fur多年的她，近幾年最愛Faux fur（人造皮草），夠曬環保。「我本身好鍾意動物，着真fur好殘忍。保暖程度同真皮又唔係差太遠。」著名形象設計師黃欐堯Celia亦醒大家揀毛貼士，「一到冬天好多人都鍾意襯fur，夠曬保?x，因為環保嘅關係，依家好興Faux fur，顏色比真fur更加多選擇。」看來這個被喻為「世紀最冷」的冬天，大家要鬥多毛。
著名形象設計師黃欐堯Celia，曾任陳慧琳、謝安琪等藝人的形象設計，她更出書教人扮靚襯衫。
餘安安愛曬假毛
餘安安多年來着過的fur多不勝數，不過近幾年轉攻Faux fur。「依家只會着假毛，以前阿媽買落啲真皮fur都放埋一邊，依家俾人都冇人要。我最鍾意stylish啲嘅型格打扮。」而輕巧是她穿fur之道，「其實Faux都幾保暖，再唔係加件底衫就可以出街。」
薛芷倫玩撞色
Ball後薛芷倫家中珍藏過百件fur。周日（18日），她出席《亞洲先生》選舉時，就擺明撞色，以奪目桃紅deep V晚裝配粉紅fur，吸引亞男目光。
謝婷婷厚得臃腫
冬天愛穿毛毛褸的謝婷婷，除為了保暖，fashionable亦好緊要。「我鍾意Colour on Colour，深淺色配搭，咁樣最好睇。」
胡敏珊拼出層次
鐘錶女皇胡敏珊不時以毛毛點綴配襯。「屋企都有唔少fur，我覺得black and white係今年嘅Hot items。」早前胡敏珊卻以全黑打扮，再加上棗紅色毛毛，亦令人眼前一亮。
何倍倩低調之選
恒生新抱何倍倩亦是愛fur之人，近期愛上人造fur。「冬天我最鍾意毛毛配搭，因為人道關係，我會選擇Faux fur，我近排心水係美國品牌Micheal Kors。」
Tips 肥人勿穿厚
Celia認為毛毛有點綴作用，並不難配襯，不過切忌將毛毛放全身，要識得取捨。「如果上身已經有毛毛，下身就盡量避免，所以要襯番啲貼身嘢balance番，好似leggings咁。若身材比較豐滿，就唔好揀太厚嘅款，唔係會變得好大嚿。而襯色方面，可以試吓玩撞色、對比，唔使一定要襯黑色咁悶。」至於保養方法，一般真fur最好存放於有防潮管及室溫15度地方，以防潮濕，而假fur則只需乾洗就可。
男士玩單色
女士着皮革容易襯出高貴味道，男士則有型格感覺。Celia說︰「依家好多男仔都會以毛毛襯衫，最常見係毛毛領同帽嘅casual打扮。最好襯就係單色，斯文得嚟又唔會過分誇張。」
陳柏熹黑色潮男
Moiselle太子爺陳柏熹最常見有窩釘型格打扮，但其實他亦是毛毛擁躉。「我有fur嘅褸、圍巾同手warmer等，仲有條馬尾短褲用嚟襯boots。而毛毛褸可以配tee、牛仔褲嘅casual襯法，想隆重一啲，裏面可以襯踢死兔。」
黃偉文簡單元素
襯衫襯到出神入化的黃偉文，每次出動都令人有驚喜，今次以毛毛背心外套示範斯文造型，不過略嫌低調得滯。 ####
Escada黑白furCelia評︰「呢件黑白fur好靚，加埋呢對有型嘅襪，感覺好新潮，成個黑白look型格得嚟又貴氣。」
豹紋vintageCelia評︰「用短袖配長手套好好睇，不過下身襯西褲感覺簡單咗啲，如果轉條pencil skirt（直身裙）會較有女人味。」圖片
Moiselle雙色furCelia評︰「呢件fur顏色好有特色，不過比較大件，感覺有啲臃腫。下身露腳的話，會有上重下輕嘅感覺，如果襯貼身褲或者裙會balance啲。」
Celia評︰「呢個look好高貴，條毛毛好靚，用粉紅配桃紅好睇得嚟又sharp。」
Loewe背心褸Celia評︰「婷婷呢件fur太巨型，成個look老老哋，其實可以襯牛仔會young啲。其實求其襯曬黑色未必好睇，襯番啲顏色有活力啲。」《蘋果日報》圖片
Gucci Scarf
Celia評︰「呢個look好型好潮，棗紅色依家好hit，佢成身有唔同嘅物料，襯出mix and match嘅感覺。」《蘋果日報》圖片
Anteprima毛毛領Celia評︰「呢件fur好得意，好似件裝飾品咁，感覺低調得嚟又有啲嘢睇。」
Rick Owens鬥篷Celia評：「呢件fur好靚好特別，成個黑色襯法夠曬型，啱曬後生仔，加埋少少Accessories同閃鞋，潮到爆。」
Valentino外套
Celia評：「Wyman呢件fur好薄、好襯佢，成個打扮斯文得嚟又有少少特色。」《蘋果日報》圖片
856期
