2011年12月23日 星期五

[忽然一周.直接睇]環球出招獎 謝安琪隨時飛起經理人




娛一叮

謝安琪出道初期一帆風順,偏偏有個與傳媒關係搞得麻麻的經理人夏森美,因為經理人堅持不接太商業的工作,與環球唱片在意見上亦有分歧,令Kay(謝安琪)左右做人難。據知環球與夏森美已勢成水火,為力誘Kay脫離經理人,環球不但為她出國語碟開發台灣市場,幫她連接兩部電影,最近更豪花30萬為Kay在無綫賣廣告穀人氣。

此外,環球高層Duncan已出面為Kay爭商台《叱咤》的「女歌手金獎」和「我最喜愛女歌手」,唱片公司出錢又出力,睇嚟Kay隨時飛起夏森美,做個100%環球人。



將於2012年1月13、14日再踏紅館的謝安琪(Kay),今年大部分時間注專在台灣發展,之後連拍兩部電影,加上早前五大唱片公司與無綫還未破冰,令她在香港消失了一段長時間。不過臨近樂壇頒獎禮的日子,又是爭獎的時候,Kay人氣亦有回升跡象。

謝安琪去年和今年推出的兩張唱片,平均銷量都有兩萬張,在現今樂壇來說,成績已很不錯,知情者說:「環球同Kay嘅合約雖然仲有一段時間,不過公司覺得Kay仍然有市有價,而且過檔冇耐嘅吳雨霏(Kary)又未夠班做一姐,所以環球好睇重Kay。可惜Kay嘅經理人夏森美好麻煩,環球接咩job都要同佢商量,佢要求多多又挑剔,咩都話唔接,同傳媒關係亦緊張。環球忍咗佢好耐,早前雙方終於吵大鑊。為咗力誘Kay飛起夏森美,環球揼咗好多錢幫Kay做宣傳穀番起佢,等佢知公司對佢有幾好。」

高層親自出馬

據知環球早前更罕有地豪花30萬,為Kay在無綫賣演唱會廣告造勢。環球唱片董事總經理Duncan(黃劍濤)更出招為Kay爭獎,首先向商台埋手。Duncan有個在商台做總經理嘅老婆甘菁菁,當然好辦事,「環球同商台關係向來都好,今次仲要係Duncan親自出馬,幫Kay爭女歌手獎,希望可以揮低容祖兒同楊千嬅坐正。如果真係打低容祖兒,環球就有籌碼同Kay傾經理人約。」事實上,多年來都是《叱咤樂壇頒獎禮》大贏家的容祖兒,今年個勢唔算太強,楊千嬅又因為大肚唔會出席,Kay大有機會在向來偏重唱作歌手的《叱咤》中突圍。

適逢《叱咤》頒獎禮今年改機制,令樂壇烈女何韻詩的歌入不到廿強。早前何韻詩就在facebook中鬧爆商台,繼而決定缺席頒獎禮。據知何韻詩更有意拉攏密友祖兒一齊唔去。據知情者說:「商台改咗制度,入選嘅金曲要做過冠軍歌,阿詩啲歌播放率好高但冇上過冠軍,所以冇歌入圍,冇獎攞當然嬲到震,佢仲叫祖兒齊齊唔去,玩無聲抗議。祖兒都戥阿詩唔抵,不過公司唔會俾佢唔去囉!」機制更改,間接令得獎名單欠缺透明度,難怪何詩鬧爆。

有信心攞獎

上周五(16日),謝安琪出席《叱咤》拉票活動,回應環球出招幫她獎時表示:「點都好啦!今年都係好特別嘅一年,今年我啲歌播得好好,所有DJ對我嘅支持已經收到曬,好多謝佢哋。(年尾頒獎禮緊唔緊張?)唔緊張,只會享受。不過我最想攞嘅係『我最喜愛女歌手』,因為係現場投票,係觀眾心目中最喜愛嘅。得到呢個獎會好感動,好窩心。呢個獎我攞過一次,攞多一次會好開心。」謝安琪恨獎恨到出曬面,而且胸有成竹咁款。對於隨時被Kay飛起,夏森美說:「我同阿Kay嘅經理人合約有排未滿,我唔擔心!我哋有溝通,大家互相信任好似一家人咁。」至於環球唱片董事總經理Duncan,於本刊截稿前都未有回覆。

力穀翻生

####



開口恨攞獎

謝安琪出席拉票活動時,向本刊透露最想在1月1日的《叱咤樂壇頒獎禮》攞「我最喜愛女歌手」獎。放心啦,高層做緊嘢㗎喇!



經理人夏森美

與傳媒關係欠佳的夏森美,近年已甚少與Kay一齊出席公開活動。據知佢主要外出幫Kay傾job多,避免再與記者發生衝突。



記招企中間

上周五(16日)商台舉行《叱咤》拉票活動,Kay被安排與黃貫中企正中間,而阿Sa與蘇康都要企埋一邊。



獎項大執位

去年「叱咤女歌手金獎」由容祖兒奪得,謝安琪攞銀獎。今年千嬅唔出席,連「我最喜愛女歌手」獎都冇份角逐,銅獎由王菀之頂上。而Kay就因環球力撐,好大機會揮低祖兒攞金獎。圖片



環球商台一家親

環球董事總經理黃劍濤(Duncan,右)和商台總經理甘菁菁係夫妻關係,每年環球歌手喺《叱咤》成績都唔會差得去邊。圖片



出唱片

今年10月謝安琪推出廣東碟《你們的幸福》,喺台灣樂壇發展亦唔錯。 在宣傳不多的環境下,唱片都賣約兩萬張,今時今日算飲得杯落。《蘋果日報》圖片



孖影帝拍戲

今年上半年謝安琪全面投入拍戲,更有幸埋到影帝任達華身,合作拍《大追捕》。Kay話獲益良多,「喺華哥身上學到好多嘢,覺得拍戲好好玩!」



《蘋果日報》圖片



開個唱

下月一連兩場的謝安琪演唱會已開始賣飛,環球仲豪花30萬喺無綫賣廣告。Kay話:「其實係主辦商話落電視廣告嘅,好多謝公司啦,令呢個廣告咁大迴響。個唱銷情都唔係你哋想像中咁差!」本刊記者本周一到城市電腦售票網發現, 謝安琪個唱均只有180元門票售罄。



古裝都玩埋

早排謝安琪連古裝都拍埋,去敦煌拍咗套《敦煌傳奇》,原來佢個古裝樣都唔錯喎!


856期



搜尋此網誌